Ұлыбритания билігі 190 мыңнан астам мигрантты депортациялауы мүмкін

Алдағы үш жылда британ билігі 190 мыңнан астам мигрантты депортациялауы мүмкін. Оның 45 мыңға жуығы балалар.

Бұл туралы Ұлыбританияның босқындар ісі жөніндегі кеңесінің сайтында жарияланған баяндамада айтылған.

Бұл Ұлыбритания заңсыз көші-қон туралы жаңа заң қабылдан жағдайда қолға алынады. Заңсыз иммигранттардың көпшілігі Эритрея, Судан, Сирия және Ираннан келгендер. Олар 28 тәулікке қамауға алынып, кейін елден шығарылуы мүмкін.

Ұйымның мәліметінше, мигранттар арасынан депортациялауға келмейтіндерді  уақытша ұстау елге тоғыз миллиард фунт стерлинг шығын әкеледі. Заң жобасының бастамашысы реетінде Риши Сунак үкіметі аталды.