Ұлыбританияда қазақ мәдени орталығы ашылды

Жаңа орталықта Корольдік тұрғындары еліміздің ұлттық дәстүрлері мен тарихын біле алады.

Салтанатты ашылу қазақстандық университет студенттерінің басын қосатын Уорвиктегі Жастар балымен тұспа-тұс келді.

«Бұл іс-шараның студенттердің өз бетімен ұйымдастырғаны өте маңызды. Яғни, олар өздігінен білім алумен айналысады, бір-бірімен араласады. Бұл іс-шараға Уорвик университетінің ғана емес, Ұлыбританияның көптеген университеттерінің студенттері қатысуда. Елшілік мұндай бастамаларды әрқашан қолдайды және Ұлыбританиядағы студенттеріміз арасындағы байланысты нығайтуға көмектесуді жалғастырады»,- деді Қазақстанның Ұлыбританиядағы елшісі Мағжан Ілиясов.

Қазақ мәдени орталығының төрағасы Ұлыбританияда Қазақстаннан қазақ диаспорасы ғана емес, Қытай, Моңғолия, Түркиядан келгендер де бар екенін айтты.

Орталықтың мақсаты – қазақтардың басын біріктіру, жастардың еліміз бен халқымыздың мәдениеті, әдет-ғұрпы, тарихы туралы білімдерін насихаттау және арттыру. Олар қазақы киім-кешек пен қазақ биін трендке айналдырып, Корольдік тұрғындарын жас музыканттар шығармашылығымен және отандық кәсіпкерлер өнімдерін таныстыруды жоспарлап отыр.