Ұлыбритания үкіметі корольдің дауға қалған інісіне қатысты бүкіл құжаттарды жариялайды

Ұлыбритания үкіметі Эндрю Маунтбеттен-Виндзорға қатысты барлық құжаттарды жариялайды, деп хабарлайды Orda.kz Guardian басылымына сілтеме жасап.

Ұлыбританияның қауымдар палатасы либерал-демократиялық партияның Эндрю Маунтбеттен-Виндзорды елдің сауда өкілі етіп тағайындауға қатысты құжаттарды жариялау жөніндегі өтінішін қабылдады.

Шешім дауыс берусіз қабылданды. Бұл үкіметтің оны орындауға міндетті екенін білдіреді.

Сонымен қатар либерал-демократиялық партия сауда және интеграция министрлігінде, британдық халықаралық сауда ұйымында, сыртқы істер министрлігінде, министрлер кабинетінде және премьер-министр кеңсесінде сақталған британдық халықаралық сауда ұйымының бас директоры Питер Мандельсон мен Эндрю Маунтбеттен-Виндзорға қатысты кез келген құжаттарды сұратып отыр. Либерал-демократиялық партия электрондық хабарламаларды да сұратқан.

Айта кетейік, 19 ақпанда Ұлыбританияда 66 жастағы бұрынғы ханзада Эндрю Маунтбеттен-Виндзор ұсталды. Араға үш күн салып Ұлыбританияның АҚШ-тағы бұрынғы елшісі Питер Мандельсон да қолға түсті. Оларға Джеффри Эпштейнмен байланысып, қызметтік өкілеттігін асыра пайдаланды деген айып тағылып отыр. 

Оқи отырыңыз:

• Эпштейнмен қатынасы үшін дауға қалған ханзада Эндрю таққа мұрагер бола алмайды
• Джеффри Эпштейннің құжатында Ұлттық банктің бұрынғы басшысы Қайрат Келімбетовтің аты аталды
• АҚШ Әділет министрлігі Клинтон мен Джексонның педофил Эпштейнмен түскен суреттерін жариялады