Қазақстанда мектеп оқушыларына 11 күн демалыс беріледі

Қазақстан мектептерінде үшінші оқу тоқсаны аяқталуға жақын. Одан кейін оқушыларды оқу жылындағы ең ұзақ үзілістердің бірі күтіп тұр, деп хабарлайды Orda.kz.

2026 жылы көктемгі демалыс 11 күнге созылады — 19 наурыздан 29 наурызға дейін (қоса алғанда).

Демалыс алдындағы соңғы оқу күні — 18 наурыз. Ал 30 наурызда оқушылар мектепке қайта оралып, төртінші тоқсанды бастайды. Бұл үзіліс оқу жылының соңғы кезеңіне дейін күш жинауға мүмкіндік береді.

Қазақстанда оқу бағдарламасы төрт тоқсанға бөлінеді. Биыл үшінші тоқсан 10 аптаға созылды. Бекітілген күнтізбеге сәйкес, төртінші тоқсан қысқарақ — шамамен 8 апта. Ол 2026 жылғы 25 мамырда аяқталып, содан кейін жазғы демалыс басталады.

Оқи отырыңыздар:

• Жоспарлы оқу-жаттығу: Ертең Алматыда дабыл қағылады
• Бишімбаев ісіндегі прокурор атынан жалған видео таралып жатыр