Ұлыбритания Украинаға үш миллиард доллар несие береді

Украинаға 2,26 миллиард фунт стерлинг (шамамен үш миллиард АҚШ доллары) беру туралы келісімге Украинаның қаржы министрі Сергей Марченко мен Ұлыбритания қазынасының канцлері Рэйчел Ривз қол қойды, деп хабарлайды Orda.kz Украинаның Қаржы министрлігіне сілтеме жасап.

Онлайн режимде өткен қол қою рәсіміне қазір Лондонда жүрген Украина президенті Владимир Зеленский мен Ұлыбритания премьер-министрі Кейр Стармер қатысты.

«Несиеге қызмет көрсету және өтеу Ресей Федерациясының тыйым салынған активтерінен түсетін кіріс есебінен жүзеге асырылады. Қаржыландыру 30 жылға беріледі. Жиналған қаражат украиндықтардың қажеттілігіне сәйкес қорғаныс материалдарын сатып алуды қаржыландыруға жұмсалады», - деді ол. 

Бұл туралы Украина Қаржы министрлігінің ресми мәлімдемесінде айтылған.

Берілген несие G7 елдерінің (үлкен жетілік) Украина үшін кірістерді төтенше жеделдету механизмінің (Extraordinary Revenue Acceleration for Ukraine) жалпы көлемі 50 миллиард АҚШ долларын құрайтын бөлігі. Бұл механизм аясында Украина АҚШ-тан бір миллиард доллар, ЕО-дан үш миллиард еуро алды.

BBC агенттігінің хабарлауынша, Украина президентімен кездескеннен кейін Ұлыбритания премьер-министрі Дональд Трамппен, сондай-ақ Франция президенті Эммануэль Макронмен телефон арқылы сөйлескен. Әңгімелесулердің мазмұны берілмеді.

Жексенбі күні Владимир Зеленский Украина бойынша саммитке қатысады.