Ұлыбритания королі Чарльз III қатерлі ісікке шалдықты

Қаңтар айының соңында Чарльз III қауіп тудырмайтын дертінен емделіп жүргенде оған қатерлі ісік диагнозы қойылған, деп хабарлайды Orda.kz Букингем сарайына сілтеме жасап.

«Король өзінің медициналық тобына жуырда ауруханада дереу жасалған ем-шаралар үшін алғысын білдіреді. Ол өзінің емделуіне бұрынғыша дұрыс көзқараспен қарайды және мүмкіндігінше тезірек қоғамдық қызметке оралуға ниетті»  делінген Букингем сарайының ресми сайтындағы мәлімдемеде. 

Монарх ем алып жүрген уақытта тек мемлекеттік істермен және құжаттамамен айналысады.