Ұлыбритания Қазақстанға көмектесуге дайын

Ұлыбритания су тасқынынан зардап шеккен қазақстандықтарға қол ұшын созуға дайын, деп хабарлайды Orda.kz порталы.

Бұл туралы сыртқы істер жөніндегі мемлекеттік министрі Нусрат Гани өзінің X (бұрынғы Twitter) парақшасында мәлімдеді.

«Қазақстанда жалғасып жатқан су тасқыны елдің солтүстігі мен батысындағы елді мекендерді қиратты. Зардап шеккендердің барлығына, әсіресе эвакуациялауға мәжбүр болғандарға көңіл айтып, қолдау білдіремін. Орталық Азия елдері климаттық өзгерістердің алдыңғы қатарында тұр. Ұлыбритания көмектесуге дайын», - деп мәлімдеді 15 сәуір күні Нусрат Гани.