Ұлыбритания Әскери-теңіз күштерінің басшысы бағынышты адамымен көңіл қосамын деп қызметінен қуылды

Ұлыбритания әскери-теңіз күштерінің бас қолбасшысы адмирал Бен Ки қарамағындағы адаммен қарым-қатынаста болғандықтан отставкаға кетуге мәжбүр болды, деп хабарлайды Orda.kz.

Бұл туралы 9 мамырда британиялық Financial Times газеті дереккөздерге сілтеме жасай отырып жазды.

«Жағдайды білетін адамдардың айтуынша, Ки өз әріптестеріне Әскери-теңіз күштерінің басшысы лауазымынан жазда кететін ниеті барын айтқан. Себебі оған ведомствода болып жатқан ішкі процестер ұнамаған. Алайда, оның қарамағындағы адаммен қарым-қатынасы ашылғаннан кейін, оған «жеке себептері бойынша» отставкаға кетуге тура келді» деп жазады басылым.

Оқиға фактісі бойынша қазіргі уақытта Ұлыбритания Қорғаныс министрлігінде тергеу жүріп жатыр.

Адмиралдың міндетін уақытша екінші теңіз лорд-вице-адмиралы Мартин Коннелл тұрақты ауыстыру жарияланғанша атқарады.

Бұған дейін Ұлыбританияда көшіп-қонушылардан ағылшын тілін жақсы білуді талап ете бастағаны хабарланған болатын. Үкіметтің пікірінше, мұндай жағдайлар елге келушілердің интеграциясын жақсартуға мүмкіндік береді.