Ұлы жазушы Мұхтар Мағауин өмірден озды

Қазақ әдебиетіне өлшеусіз үлес қосқан, ұлы жазушы Мұхтар Мағауин өмірден озды деп хабарлайды Orda.kz.

Бұл туралы оның ұлы хабарлады.

«Арыстан ӘКЕМ фәниден бақиға аттанып кетті, АҚШ-тың Мерилэнд штатындағы үйінде, бала-шағасының ортасында, 2025 жылғы қаңтардың 9-ы, жергілікті уақыт бойынша сағат 19:55-те (Қазақстан уақыты бойынша қаңтардың 10-ы, сағат таңғы 5:55)» деп жазды Едіге Мағауин. 

Жазушының жақындарына жәнe қазақ халқына қайғыра көңіл айтамыз!

Жазушы, әдебиетші артында өлмес мұра қалдырды. Оның бір ғана «Аласапыран» романы XVI ғ. аяғы мен XVII ғ. басындағы елдің саяси-әлеуметтік жағдайын ашып берді. 

«Қобыз сарыны» атты тәуелсіздік алмай тұрып жариялаған 1968 жылы ғылыми монографиясының өзі қазақ жыраулары мен поэзияны қойып кеткен ескерткіш болды. 

Өз ғұмырын қазақ әдебиеті мен тарихына арнаған жазушы 84 жасында көз жұмды. Осы жылы 2 ақпанда 85 жасқа толатын еді.