«Ұлы 2 млн өндірді»: Ауруханаға дене қызуымен барған зейнеткер қаза болды

2019 жылы жедел жәрдем бригадасы дене қызуы көтерілген 76 жастағы әйелді Орал қалалық ауруханасына жеткізген. Ем нәтиже бермей, науқастың жағдайы ауырлап, қаза болған, деп хабарлайды Orda.kz. 

Қайтыс болған әйелдің ұлы Денсаулық сақтау басқармасына дәрігерлердің салғырттығы мен тиісті ем қабылдамағаны туралы шағыммен жүгінді. Тексеру барысында аурухана тарапынан заң бұзушылықтар анықталды.

Ер адам анасының өліміне сапасыз медициналық көмек пен қалалық аурухана дәрігерлерінің әрекетсіздігі себеп болғанын атап өтті. 

Сондай-ақ талап қоюшының анасы емделіп жатқан аурухананың терапия бөлімінде жалпы практикалық дәрігер куәлігі бар маман жұмыс істегені, оның бұндай жұмыс істеуге құқығы жоқ екені туралы факт анықталды. 

Сол себепті талап қоюшының пайдасына ауруханадан 2 млн теңге моральдық шығын өндірілді.