Ұлттық ғылым академиясының вице-президенті тағайындалды

Ақылбек Күрішбаев Ұлттық ғылым академиясының вице-президенті қызметіне тағайындалды. Бұл туралы Қазақ ұлттық аграрлық университетінің баспасөз қызметі хабарлады.

Еңбек жолы:

Ақылбек Күрішбаев 1983 жылы Қазақ ауылшаруашылық институтын «Агрохимия және топырақтану» мамандығы бойынша үздік бітірді.

Еңбек жолын 1977 жылы Алматы облысы Талғар ауданындағы МРСХО бірлестігінде комбайнер болып бастаған.

1983 жылы В.Вильямс атындағы Қазақ егіншілік ғылыми-зерттеу институтының лаборанты болды.

1984 жылы осы білім ордасының күндізгі аспирантурасына оқуға түсті.

1986 – 1997 жылдары В. Вильямс атындағы Қазақ егіншілік ғылыми-зерттеу институтында кіші ғылыми қызметкер, кәсіподақ төрағасы, аға ғылыми қызметкер, ғылым бойынша директордың орынбасары лауазымдарында қызметтер атқарды.

1997 – 2002 жылдары А.И.Бараев атындағы астық шаруашылығы ғылыми-зерттеу институтының директоры.

2002 – 2005 жылдары Қазақстан Республикасының Ауыл шаруашылығы вице-министрі.

2006 жылы ҚР АШМ Ғылым департаменті директоры болып тағайындалды.

2007 жылы Қазақстан Республикасы Ауыл шаруашылық вице - министрі болды.
2008 – 2011 жылдары Қазақстан Республикасы Ауыл шаруашылығы министрі.

2011 – 2020 жылдары «С.Сейфуллин атындағы Қазақ агротехникалық университеті» Акционерлік қоғамының Басқарма төрағасы.

2020 жылғы 27 тамыздан – 2022 жылғы 12 қазанға дейін Қазақстан Республикасы Парламенті Сенатының депутаты болды.

2022 жылғы 1 қарашадан бастап «Қазақ Ұлттық аграрлық зерттеу университеті» КеАҚ Басқарма төрағасы – Ректор.