Ұлттық экономика вице-министрі қамауға алынды – дереккөз

Қазақстанның Ұлттық экономика вице-министрі қамауға алынды. Orda.kz дереккөзінің мәліметі бойынша, Сыбайлас жемқорлыққа қарсы іс-қимыл агенттігінде ҚР Ұлттық экономика вице-министрі Ілияс Өсеровке қатысты сотқа дейінгі тергеу жүргізілуде.

Ол үй қамағына алынған. Бұған дейін Өсеров Алматы әкімінің орынбасары қызметін атқарған. Дереккөз мәліметі бойынша, ол аса ірі мөлшерде алаяқтық жасады деген күдікке ілінді.

Ол 2019 жылы Алматыдағы коммуналдық меншік нысандарын (сот үкімі бойынша тәркіленген 3 коттедж және 2 пәтер) еншілес тұлғаларға жалған есеп ұсына отырып, сатып жіберген. Мемлекетке келтірілген шығын 819 млн теңге болды.