Ұлттық жоспар, доктриналар мен кешенді жоспар жобалары көпшілікпен талқыланбайтын болды

Ұлттық жоспар, доктриналар мен кешенді жоспарлар жобаларын ашық нормативтік-құқықтық актілер («Ашық НҚА») порталында қазақстандықтармен көпшілік алдында талқыламау туралы шешім қабылданды, деп хабарлайды Orda.kz.       

Алынып тасталған, бұған дейін қолданыста болған 56, 82 және 92-тармақтар келесідей:

- 56. Ұлттық жобаның міндеттерін негіздеу жөніндегі қосымша ақпаратпен қоса оны мүдделі ұйымдармен, тұлғалармен және мемлекеттік органдармен талқылау үшін ашық нормативтік құқықтық актілердің интернет-порталында орналастырылады;

- 82. Доктрина (стратегия) жобасы қолжетімділігі шектеулі ақпаратты қоспағанда, мүдделі ұйымдармен, тұлғалармен және мемлекеттік органдармен талқылау үшін ашық нормативтік құқықтық актілердің интернет-порталында орналастырылады;

- 92. Кешенді жоспар жобасы әзірлеу сатысында қолжетімділігі шектеулі ақпаратты қоспағанда, оны мүдделі ұйымдармен, тұлғалармен және мемлекеттік органдармен талқылау үшін ашық нормативтік құқықтық актілердің интернет-порталында орналастырылады.

«Тұжырымдамаларды, ұлттық жобаларды, доктриналарды (стратегияларды), кешенді жоспарларды әзірлеу, іске асыру, түзету және мониторинг жүргізу тәртібімен (...): 3-тармақ мынадай редакцияда жазылсын:» 3. Әзірлеу процесі құжатқа бастамашылық жасаудан, ағымдағы жағдайды талдаудан, пайымды қалыптастырудан, басымдықтарды, мақсаттарды, нысаналы индикаторларды, міндеттер мен нәтижелер көрсеткіштерін, оларға қол жеткізу жолдарын айқындаудан, сондай-ақ ресурстық қамтамасыз етуден тұрады»; 56, 82 және 92-тармақтар алынып тасталсын» деп жазылған Ұлттық экономика министрлігінің бұйрығында.