Ұлттық Олимпиада комитеті 2025 жылғы Азия ойындары астанасын атады

Келесі Қысқы Азия ойындары 7 ақпан мен 14 наурыз аралығында Қытайдың Харбин қаласында өтеді, деп хабарлайды Orda.kz ҚР ҰОК-қа сілтеме жасап.

Еске салайық, Харбин қысқы Азия ойындарын 1996 жылы қабылдаған болатын. Сол кезде Қазақстан құрамасы 14 алтын, 9 күміс және 8 қола медаль жеңіп алып, жалпы есепте Қытай құрамасынан кейін екінші орын алған болатын.

Бүгін «Шангри-Ла» қонақ үйінде тұсаукесері өткен алдағы байқаудың негізгі рәсімдері ресми түрде бекітілді. 2025 жылғы Азия ойындарының бойтұмары сібір жолбарысының балалары Бинбин мен Нини, ал ұраны – «Қысқы арман, Азияаралық махаббат».

Ойынның логотипі «Серпіліс» деп аталады. Эскиз шорт-тректен жарысатын спортшының қимылдарына негізделген. Сондай-ақ мұнда Харбин қаласының гүлі – сирень және бұратылған таспалар бейнеленген.

Жарыстар мен Азия ойындарының салтанатты бөлігі жеті спорт алаңында өтеді. Қазір спорт нысандарын дайындаудың соңғы кезеңі жүріп жатыр. Шілдеде Азия ойындарының басталуына 200 күн қалғанда салтанатты мереке өтті. Харбин қаласында барлығы 131 бұқаралық мәдени және өнерге қатысты іс-шара өткізілді, оған 110 000-ға жуық адам қатысты.

Спорттың 11 түрінен медальдар сарапқа салынады. Шорт-трек, конькимен жүгіру, мәнерлеп сырғанау, шайбалы хоккей, керлинг, тау шаңғысы, сноуборд, фристайл, шаңғы жарысы, биатлон, тау шаңғысы спорты өкілдері жүлделі орындарды сарапқа салады.