Ұлттық қор «Қазатомпромның» 12% акциясын сатып алды

Бұған дейін Orda.kz ұлттық қордың «Қазатомпром» акцияларын сатып алуды жоспарлап отырғанын жазған болатын. 2024 жылдың 20 шілдесінде Ұлттық банк пен «Самұрық-Қазына» арасындағы биржадан тыс келісімшарт нәтижесінде «Қазатомпромның» 12% акциясы Ұлттық қордың меншігіне өтті.

Бұл келісім бойынша «Самұрық-Қазына» компаниясындағы үлесі 75%-дан 62,99%-ға төмендеді. Қазақстанның Орталық бағалы қағаздар депозитарийінің мәліметтері бойынша, сатылған 12,01% үлесі қазір қаржы министрлігінің меншігінде. «Қазатомпромның» еркін айналымдағы акцияларының үлесі өзгеріссіз қалып, 25% болып тұр. Олар Лондон қор биржасында және Astana International Exchange биржасында сатылады.

Ендігі «Қазатомпромның» акционерлер құрылымына қарсақ, 62,99% акция «Самұрық-Қазына» АҚ-ға тиесілі, 12% Қаржы министрлігіне, ал 25% акциялар еркін айналымда.