Ұлттық қауіпсіздік подполковнигі Алматы түрмесінде VIP камералар ұйымдастырғаны үшін алты жылға бас бостандығынан айырылды

Алматы аудандық соты Ұлттық қауіпсіздік департаменті бесінші басқармасының бұрынғы бастығы Жәнен Айтқұловқа қатысты үкім шығарды.

Бұл туралы Orda.kz хабарлайды.

Ол қылмыстық кодексінің 362-бабының 4-бөлігімен («Билік немесе қызметтік өкілеттіктерді асыра пайдалану») кінәлі деп танылып, алты жылға бас бостандығынан айырылды.

Оған 2019-2022 жылдары Ішкі істер министрлігі Қылмыстық іздестіру департаментінің уақытша ұстау изоляторында алты коммерциялық камера құрып, патронаттық жасағаны үшін тергеушілерден, қамауға алынған және сотталғандардан бағалы сыйлықтар алды деген айып тағылды. Бірақ оның VIP камералардан қанша табыс тапқанын тергеу де, сот та анықтай алмады.