Ұлттық банк қазақстандықтарға ескерту жасады

Қазақстанның Ұлттық банкі қазақстандықтарға алаяқтық фактілері көбейіп жатқанын ескертті, деп хабарлайды Orda.kz Ұлттық банктің баспасөз қызметіне сілтеме жасап.

Алаяқтар өздерінің «сенім деректерін» растау үшін жалған құжаттарды көрсететіні белгілі болды.  Ұлттық банк жеке тұлғаларға қызмет көрсетпейтінін және халықпен қолма-қол есеп айырыспайтынын тағы да еске салды.

«Қаржы жымқыру мақсатында өздерін Ұлттық банк қызметкерлері ретінде таныстырған алаяқтар азаматтарды шатастыруда. Оның үстіне бұл схемаға құқық қорғау немесе арнайы органдардың жалған қызметкерлері де тартылған. Оған дәлел ретінде «арнайы операция» немесе тергеу жүргіземіз деген желеумен қылмыскерлер тартылған. Өздерінің іс-әрекеттерінің заңдылығын «растау» үшін құқық қорғау органдарының, Ұлттық Банктің жалған қызметкерлеріне қоңырауларды қайта бағыттау, жалған қызметтік куәлік көрсетіп, ұйғарым хаттар мен «қолма-қол ақшаны сақтандыру» және банктік аударымдарды жүзеге асыру  деректемелерін жіберу жиілеген, деп хабарлады Ұлттық Банк.

Мұндай құжаттарда көбінесе несиелік қарыздың болуы немесе өтелуі, сондай-ақ ақша қозғалысы туралы толық ақпарат болады. Сонымен қатар, құжаттарға мемлекеттік органдардың «уәкілетті тұлғаларының» қолдары, аты-жөндері, мөрлері және басқа да растайтын деректер қойылады.

Осыған байланысты Ұлттық Банк құқық қорғау органдарының (Ішкі істер министрлігі, Ұлттық қауіпсіздік комитеті) қызметкерлерінен телефон шалған кезде әңгімелні үзіп, қандай да бір іс жүргізуге немесе алаяқтық «арнайы операция» әрекетін жасамауға кеңес береді.

«Егер сіз немесе сіз танитын адам алаяқтық схемаларға тап болса, құқық қорғау органдарына тиісті шағым түсіруді ұсынамыз. Кеңес алу үшін Ұлттық банктің 1477 қысқа нөмірі бойынша байланыс орталығына хабарласуға болады»  деп толықтырды Ұлттық банктің баспасөз қызметі.