Ұлттық Банк айналымға QORQYT ATA коллекциялық монеталарын шығарды

2023 жылғы 1 қыркүйекте Қазақстан Ұлттық Банкі «Дала қазынасы» сериясынан QORQYT ATA коллекциялық монеталарын айналысқа шығарды. Монеталар ҚР ҰБ интернет-дүкені арқылы 2023 жылдың 4 қыркүйегінен бастап сатылады.

QORQYT ATA монеталары 925/1000 сынамалы күмістен жасалған, салмағы 24 грамм, диаметрі 37 мм, proof сапалы, номиналы 500 теңге, шығарылғаны  5000 (бес мың) дана.

Қорқыт ата – қобыздың бастауы, ертегіші, күйші, сазгер. Аңыз бойынша, Қорқыт Сырдария даласынан шыққан, 8-9 ғасырларда өмір сүрген. 1980 жылы Қызылорда қаласында Қорқыт ата мемориалдық кешені бой көтерді. ЮНЕСКО-ның мәдени мұра нысандары ретінде ресми тізіміне енгізілген және 2018 жылдың 28 қарашасынан бастап мемлекет қорғауында.

Қазақстан теңге сарайында өндірілген коллекциялық монеталар Қазақстан Республикасының бүкіл аумағында номиналды құны бойынша төлемнің барлық түрлері бойынша, сондай-ақ банк шоттарына есепке алу үшін және еліміздің барлық банктерінде аудару, қолдану және айырбастау үшін қабылдануға міндетті.