Ұлттық банк: 2025 жылы барлық банктер үшін бірыңғай QR код болады

Бірыңғай QR код Қазақстанда 2025 жылы іске қосылады. Бұл туралы 12 сәуірде өткен брифингте Қазақстан Республикасы Ұлттық банкінің төрағасы Тимур Сүлейменов мәлімдеді.

2025 жылдың басынан бастап пилоттық режимде бірыңғай QR төлем жүйесін іске қосу жоспарлануда, жүйе толықтай жұмыс істейтін болады.

«Жыл соңына дейін біз мұны пилоттық режимде жасаймыз, сынақ жұмыстарын жүргіземіз. Келесі жылдың басынан бастап толық форматта өткіземіз деп ойлаймын», - деді спикер. 

Ол транзакциялар үшін тариф мәселесін банктердің өздері шешетінін және барлық жеке ақпаратты тек банктер көре алатынын атап өтті. Ұлттық банк үшін барлық транзакциялар тұлғасыздандырылған болады.