Ұлтаралық араздық туғызған Алика Мұхамедиеваның ісі сотқа жіберілді

Әлеуметтік желіде қазақ ұлты жайлы және тілі жайлы жазба жариялап, ұлтаралық алауыздық туғызды деп айыпталған Алика Мұхамедиеваның ісі сотқа берілді, деп хабарлайды Orda.kz.

Іс ҚР ҚК-нің 174-бабы 1-бөлігі (Әлеуметтік, ұлттық, рулық, нәсілдік немесе діни алауыздықты қоздыру) бойынша сотқа жіберілді. Ол бойынша екі мың АЕК-тен жеті мың АЕК-ке дейінгі мөлшерде айыппұл салу, не 2 жылдан 7 жылға дейінгі мерзімге бас бостандығын шектеу, не сол мерзімге бас бостандығынан айыру түріндегі жаза көзделген.

Іс қылмыстық істер жөніндегі Қазыбек би аудандық сотында судья Арғын Құтышевтің қарауында. Басты сот талқылауы 14 қазанда өтеді.

Еске сала кетейік, ол осы жылдың жазында Threads әлеуметтік желісінде қазақ ұлты мен тіліне қатысты жазба жариялаған еді.

Артынша желі қолданушылары жаппай арыз жазғаннан кейін ол жылап кешірім сұрап, жазба мен видео жариялаған болатын. Кейін оны Қарағандының тергеу соты 2 айға қамады. Ал тергеу кезінде оның шетелге кетпек болғаны белгілі болды.

Еске сала кетейік, Қарағанды облысындағы 15 жастағы қыздың әкесі Бас прокуратура мен Ішкі істер министрлігіне жүгінді. Ер адам кәмелетке толмаған қызын «шариғат бойынша» 38 жастағы досына тұрмысқа берген анасы мен өгей әкесін қылмыстық жауапкершілікке тартуды талап етті.