Украинаның экс-президенті Януковичтің бұрынғы кеңесшісі Портновты Мадрид маңында біреулер атып өлтірді

Украина экс-президенті Виктор Януковичтің әкімшілігі басшысының бұрынғы орынбасары және кеңесшісі Андрей Портнов Мадридке жақын маңда оққа ұшты, деп хабарлайды Orda.kz.

Бұл туралы Испанияның Cadena SER радиостанциясы мәлімдеді.

Хабарламаға зер салсақ, Портнов кеудесіне төрт және басына бір оқ тиген. Оқиға Посуэло-де-Аларкон елді мекенінде, жергілікті мектептің кіреберісіне жақын маңда болған. ABC басылымының ақпаратына қарасақ, қылмыскер оқиға орнынан қашып кеткен. Қазіргі таңда оны іздестіру жұмыстары жүргізіліп жатыр.