Украинаның Еуропалық Одаққа қосылуы туралы келіссөздер тоқтатылды

Украинаның Еуроодаққа қосылуы туралы келіссөздер жазға қалдырылды.

Бұл туралы Еурокомиссия төрағасы Урсула фон дер Лейен мәлімдеді.

Ол 6-9 маусым аралығында өтетін Еуропарламент сайлауы басталғанға дейін қажетті келіссөздер базасының құрылуын күтетінін айтты.

«Бұл біраз уақыт алады»,- деді ол.

Оның айтуынша, Еуропалық Одақ «жаздың басында дайын болуы мүмкін».

Еурокомиссия қазір Украинамен келіссөздер үшін «басшылық қағидаттар шеңберін» әзірлеуде, содан кейін оны ЕО-ның барлық 27 елі бірауыздан мақұлдауы керек.

Украина мен Молдованың Еуропалық Одаққа қосылуы туралы келіссөздер 2023 жылдың желтоқсан айының ортасында басталды.