Украиналық депутат Радаға қазақ шапанымен келді

Украинада «Слуга народа» партиясының депутаты Сергей Нагорняк Жоғарғы Рада отырысына қазақ шапанын киіп алды.

Нагорняк Қазақстанмен парламентаралық байланыс тобын басқарады. Қазақстанның Тәуелсіздік күніне орай депутат Радаға көгілдір костюммен және Қазақстан туының элементтері бар ақ футболкамен келді.

– Жоғарғы Рада ұжымы атынан қазақстандықтарды Тәуелсіздік күнімен құттықтағым келеді. Қазақ достарымызды олар үшін маңызды күнмен құттықтайық, – деді Сергей Нагорняк.

Содан кейін залда қол шапалақтау естіле бастады.

2019 жылғы қыркүйекте Қазақстан президенті Қасым-Жомарт Тоқаев пен Украина президенті Владимир Зеленский БҰҰ Бас Ассамблеясының 74-ші сессиясы аясында кездесті. Сол кезде Тоқаев екі ел тарихының жақындығы мен болашағының ортақтығын атап өтті. Ол Украинамен саяси және сауда-экономикалық салалардағы ынтымақтастықты одан әрі кеңейтуге дайын екенін білдірді.