Украинадан ағылған босқындарға байланысты Славакия төтенше жағдай жариялады

БҰҰ мәліметінше, 24 ақпаннан бері кем дегенде 100 000 украиналық үйлерін тастап кеткен.

Словакия билігі Украинадан босқындардың көптеп келуіне байланысты төтенше жағдай жариялады. Бұл туралы TASR агенттігі үкімет қаулысына сілтеме жасап хабарлады, деп жазады РБК.

«Төтенше жағдай жариялаудың мақсаты - Словакияға шетелдіктердің жаппай ағылуына байланысты төтенше жағдайдың алдын алу және оның салдарын жою үшін қажетті шараларды қабылдау үшін жағдай жасау»  делінген құжатта.

Төтенше жағдай биліктің өкілеттіктерін кеңейтеді. Атап айтқанда, олар азаматтар мен компаниялардан қажетті материалдық ресурстармен қамтамасыз етуді сұрай алады. Мысалы, үй иелерінен мұқтаж адамдарға баспана беру сұралуы мүмкін.

Ресей әскери операция бастаған соң украиндықтар елден кете бастады. БҰҰ Бас хатшысы Антониу Гутерриштің айтуынша, 24 ақпаннан бері кем дегенде 100 000 азамат үйлерін тастап кетуге мәжбүр болған.

Босқындардың көпшілігі Польша мен Молдоваға кетті, деп  25 ақпанда БҰҰ-ның босқындар ісі жөніндегі Жоғарғы комиссары Филиппо Гранди мәлімдеді. Екі елдің билігі украиндарды қабылдауға дайын екендіктерін мәлімдеп, тиісті пункттерді орналастырып жатыр.

Еуроодақ та босқындарды қабылдауға дайын екенін мәлімдеді. Еурокомиссия басшысы Урсула фон дер Лейеннің айтуынша, ЕО «айлар бойы жақсылыққа үміттенгенімен, ең жаманға да дайын».

«Біз шекара қызметтерімен бірге Еуропалық Одақтың шекаралас елдерінде Украинадан келген босқындарды қабылдау жоспарын дайындадық... Біз оларды қарсы алуға және қабылдауға дайынбыз» деді ол.