Украинадағы соғысқа қатысты келіссөздерге Путин де, Трамп пен Зеленский де келмеуі мүмкін

Украинадағы соғысқа қатысты келіссөздерге келген делегацияны алып ұшқан «Россия» арнайы авиаотрядының Ил-62М ұшағы Стамбұл әуежайына қонды. Алайда ұшақ ішінде Путиннің өзі болмай шықты, деп хабарлайды Orda.kz.

Бірнеше сағат бұрын Ресей делегациясының құрамын президенттің көмекшісі Владимир Мединский басқаратын болып бекітілген.

Мединскийден бөлек келіссөздерге Сыртқы істер министрінің орынбасары Михаил Галузин, РФ Қарулы күштері Бас штабының Бас басқарма бастығы Игорь Костюков, Қорғаныс министрінің орынбасары Александр Фомин және тағы төрт сарапшы қатысады.

Осы арада Украина президенті Владимир Зеленский Түркия астанасы Анкараға келіп, президент Режеп Тайып Ердоғанмен екіжақты кездесу өткізбек. Трамп та алыс емес жерде — Таяу Шығыс елдерін аралап жүр. Ол да егер кездесуге Владимир Путин келсе, Түркияға баруы мүмкін екенін айтқан.

Киевпен тікелей келіссөз өткізуді 15 мамыр күні Стамбұлда Ресей президенті ұсынған. Ұсыныс ешқандай алдын ала шарттар жасамай-ақ бірден бітім жасау туралы болған.