Украинадағы «Мызғымас киіз үйде» су тасқынынан зардап шеккен қазақ халқын қолдау мақсатында флешмоб өтті

Украина халқы бауырлас Қазақстан халқына жанашырлық танытып, елдегі зардап шеккен су тасқынына байланысты қолдау білдіруде.

Бұл туралы Украина халық депутаты, Қазақстанмен достық парламентаралық тобының жетекшісі, «Мызғымымас киіз үй» жобасының тең құрылтайшысы Сергей Нагорняк айтты, деп хабарлайды Orda.kz.

«Табиғи апат ауыр зардаптарға әкелді. Біз апат пен оның зардаптарын еңсерулеріңізге шын жүректен тілектеспіз. Осы қиын кезеңде қазақ халқы бірлігі мен ержүректілігін көрсетті» деп атап өтті Сергей Нагорняк.

Сондай-ақ «Мызғымас киіз үйде» қазақ елін қолдау мақсатында флешмоб өтті. «Мызғымас киіз үйге» жиналған Киев лицейінің оқушылары қазақтың ұлттық киімдерін киіп, қазақ  халқына: «Достар, Алла күш-қуат берсін!», «Украина сіздермен», «Біз Қазақстан халқымен біргеміз», «Алға Қазақстан» сияқты қазақ тіліндегі ұран сөздерді қолдарына ұстап алған. 

Қазақ халқын қолдауға арналған флешмоб әлеуметтік желілердің украин сегментінде де жалғасын табады.