Украинада жүрген Қадыров әскері Шешенстанға қайтарылды

Ресей әскерінің Шешенстан Республикасының басшысы Рамзан Қадыровтың атымен аталатын полк Украинада болған кезінде жүздеген сарбазынан айрылып, 13 наурызда Грозныйға оралды.

Бұл туралы «Радіо Свабода» хабарлайды.

СБУ қарсы барлау қызметі Украинадағы Қадыров полкі жоғалғаны туралы айтып, Киев маңында Росгвардияның шешен бөлімшелерінің командирлерін атап, олардың Ресей басқыншылығына қатысқаны туралы егжей-тегжейлі мәлімет берді.

СБУ қарсы барлауының мәліметі бойынша, 13 наурызда Қадыровшылар Киев облысының аумағынан Беларусь арқылы, одан әрі ұшақпен Шешенстанға жіберілді. Осы ретте Рамзан Қадыров таяуда Украинаға тағы мың жауынгерін жіберетінін мәлімдеді.

Еске салсақ, Желіде қашып кеткен әскерилердің видеосы пайда болды. Бұл Қадыров полкінің украин сарбаздарынан қашқан бірінші оқиғасы емес. Бейнероликте Шешенстан басшысы көрнекті әскери жеңісі туралы айтуды ұнататын Қадыров полкі украин жауынгерлерінің атқылауынан қалай тығылып жатқаны көрсетілген.

Олар елді мекендерден тыс жерде V және Z таңбалары бар көліктердің артына жасырынбақ болады. Бір кезде олар қоршауға қарай жүгіріп, оның үстінен секіріп, өзенге қарай қашады.

Сонымен қатар, Қадыров гвардиясының 141-ші мотоатқыштар полкінің бастығы Магомед Тушаевтың көзі жойылды. Гостомель маңында (Киев облысы) «қадыровшылармен» шайқас кезінде Украина қарулы күштері шешен әскерилеріне ауыр соққы жасады.