Украинадағы биолабораторияларда өлімге әкелетін қоздырғыштардың таралуына эксперименттер жүргізілді - Ресей қорғаныс министрлігі

Ресей Қорғаныс министрлігі Украина аумағындағы американдық биолабораторияларда қауіпті вирустармен олардың жасырын таралу механизмін құруға бағытталған эксперименттер жүргізілді деген болжам айтты.

Бұл туралы РИА Новости хабарлады.

«Әсіресе, Америка Құрама Штаттарының Украина мен Ресей және басқа көрші елдер арасында қоныс аударатын жабайы құстардың ауру қоздырғыштарын тасымалдауын зерттеу жобасының Украина аумағында жүзеге асырылуы туралы егжей-тегжейлі ақпарат қызықты болды» деді Ресей қорғаныс министрлігінің ресми өкілі генерал-майор Игорь Конашенков.

Оның айтуынша, құжаттарға сәйкес, америкалық тарап 2022 жылы Украинада шошқаның африкалық обасы мен сібір жарасының таралу мүмкіндігін зерделеуге одан әрі көшіп, құстардың, жарғанаттардың және бауырымен жорғалаушылардың қоздырғыштары бойынша жұмыс жүргізуді жоспарлаған.

«Осы және Украинадағы Пентагон қаржыландыратын басқа да биологиялық зерттеулердің мақсаты өлімге әкелетін қоздырғыштардың жасырын таралу механизмін жасау болды» деп қосты генерал.

Сондай-ақ, Ресей қорғаныс министрлігінің ресми өкілі бұл зертханаларда жарқанат коронавирусымен тәжірибелер жүргізілгенін айтты.

Бұған дейін белгілі ресейлік вирусолог Геннадий Онищенко Украинада АҚШ-тың қамқорлығымен биологиялық қару жасап жатқан кем дегенде 15 зертханадан хабардар екенін айтқан.