Украинадағы қақтығыс жаһандық ашаршылыққа тірейді

БҰҰ Бас хатшысы Украинадағы қақтығыс жаһандық ашаршылыққа қауіп төндіретіндігін айтты.

Украинадағы жағдай салдарынан жаһандық азық-түлік дағдарысы туындап, азық-түлік, тыңайтқыштар мен энергия бағасының өсуіне алып келуі мүмкін. Бұл туралы БҰҰ Бас хатшысы Антониу Гутерриш мәлімдеді.

— Украина мен Ресей арасындағы қақтығыс әсерінен азық-түлік, энергия және тыңайтқыштар бағасының шарықтауын  бүкіл әлем сезінуде. Бұл жаһандық ашаршылыққа айналу қаупін тудырады,- деді БҰҰ Бас хатшысы Антониу Гутерриш.

Гутерриш сондай-ақ «соғыс әрекеттерін тоқтатып, бейбітшілікке мүмкіндік беру» қажеттігін айтты, деп хабарлайды ТАСС агенттігі.