Украинада НАТО елдерінің бірінің шпиондық әрекеті ашылып қалды

9 мамырда Украинаның қауіпсіздік қызметі Венгрия билігіне қызмет еткен шпиондық желіні ашқанын жариялады, деп хабарлайды Orda.kz.

Reuters ақпараты бойынша, Украинаның қауіпсіздік қызметі Венгрияның әскери барлауына Украинаның қорғаныс инфрақұрылымының жай-күйі туралы ақпарат берген деген екі күдіктіні ұстады. Бұл тарихта Венгрияның арнайы қызметінің Украинаға қарсы жұмыс істеген алғашқы оқиғасы.

Венгрия билігі бұл мәлімдемеге әзірге түсініктеме берген жоқ.

«Венгрия - Еуроодақ пен НАТО-ның, Украина Ресейге қарсы соғыста тығыз ынтымақтасатын екі блоктың бір бөлігі. Дегенмен, екі ел арасындағы қарым-қатынас жиі шиеленісіп отыр. Венгрия Премьер-Министрі Виктор Орбан Батыстың Украинаға әскери көмегіне күмән келтірді, сондай-ақ Владимир Путинмен қарым-қатынасты қолдайды», деп атап көрсетеді Reuters.

Ұсталғандардың екеуі - бұрынғы украиндық әскерилер екені белгілі. Оларға сатқындық жасады деген айып тағылуы мүмкін. Болжам бойынша, күдіктілерді мажар барлау агенті жалдаған. 

Олар украиндық ӘШҚҚ жүйелері мен Венгриямен шекаралас аймақ - Закарпатиядағы әскери инфрақұрылым туралы ақпарат беруге тиіс болатын.