Украина үшін соғыспақ болған 19 жастағы қазақстандық Ресейде 12 жылға сотталды

19 жастағы қазақстандық Туран Устюгов Ресейде 12 жылға бас бостандығынан айырылды, деп хабарлайды Orda.kz.

Азаттық Азия мәліметіне зер салсақ, 25 маусымда Ростов-на-Дону қаласындағы Оңтүстік округтік әскери соты Устюговты «лаңкестік ұйымның қызметіне қатысқаны» және «терроризм мақсатында дайындықтан өткені» үшін кінәлі деп таныды.

Мемлекеттік айыптаушы Устюговқа 25 жылға бас бостандығынан айыруды сұраған. Жігіт былтыр қазан айынан бері Ресейде қамауда отыр. 

Тергеу мәліметінше, Устюгов Қырым арқылы Украинаға өтіп, Киев жағында соғысып жатқан «Орыс еріктілер корпусы», «Ресейдің еркіндігі» легионы немесе «Азов» бригадасына қосылмақ болған. Ресей бұл әскери бөлімдерді «лаңкестік ұйым» деп танып, тыйым салған.

Еске сала кетейік, елімізде түрмеде отырған журналист Думан Мұхаммедкәрімнің денсаулығы қатты нашарлады. Тіпті отырудың өзі қиындаған. Ол соған қарамастан түрме қызметкерлері жұмысқа салып, көнбіс қылу үшін қысым көрсетіп жатқанын айтты.