«Украина туралы сөз қозғамауды сұрады»: Эстонияның Қазақстандағы елшісінің басы дауға қалды
Фото: Instagram/ Jaap.ora
Эстониялық БАҚ-тың жазуынша, Яаап Ора Эстония президенті Алар Каристі Украина тақырыбында сөз қозғағанда әңгімесін абайлап жеткізуге көндірген, деп хабарлайды Orda.kz.
Эстония президенті Алар Каристің Қазақстанға сапары 17-18 қараша күндері өткен. Ал үш аптадан кейін эстон басылымдары Эстонияның Қазақстандағы елшісі Яаап Ораның болашақта қызметінен кетуіне себеп болуы мүмкін даулы жағдай туралы жазды.
Err.ee дерегінше, дипломат Каристен ресми сөзінде Украинаға қатысты риториканы барынша жұмсартуды сұраған.
«Қазақстандағы Эстония елшісі Яаап Ора кешкі ас кезінде президент Карис пен оның сыртқы саясат жөніндегі кеңесшісі Маргус Колгеге Украинаға қатысты риториканы жұмсартуды ұсынды. Өйткені үстел басында отырған делегацияның басқа мүшелері де әңгімені ести алатындай болуы керек еді. Осы әңгімеден кейін Карис сөзін қайта жазып, риториканы жұмсартып, мазмұнын екіұшты етіп өзгерткен» деп жазады басылым.
Ақорда жариялаған Каристің сөздерінде Украина туралы мүлде айтылмайды. Халықаралық жағдай туралы да барынша бейтарап сипатта айтылған. Мысалы, Карис былай деген:
«Әрине, қазіргі геосаяси ахуал тұрақты емес. Бірақ біз туындаған қиындықтарды бірігіп шешуіміз керек».
Басылым Эстония СІМ-нің түсініктемесін де келтірген. Министрлік Яаап Ора келесі жылы қызметінен кететінін, бұл шешім шиеленісті азайтуға бағытталғанын айтқан.
Алайда қазақстандық СІМ мен елшіліктің ресми сайттарында бұл туралы ешқандай ақпарат жоқ. Orda.kz елшілікке ресми сауал жолдағанымен, баспасөз қызметі түсініктеме беруден бас тартты.
Айта кетейік, Германияда қаза тапқан қазақ әйелінің күйеуі мен енесіне іздеу жарияланды.
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
