Украина әскеріне Рамзан Қадыровтың көзін жоюға бұйрық берілді
Украина қарулы күштеріне Шешенстан басшысы Рамзан Қадыровтың Киев маңында екені расталса, оның көзін жоюға бұйрық берілді.
Бұл туралы 13 наурызда ұлттық телемарафон эфирінде Украина президенті кеңсесі басшысының кеңесшісі Алексей Арестович мәлімдеді.
13 наурызда желіде Шешенстан мемлекеттік арнасы Грозный жариялаған видео пайда болды: «Шешенстан Республикасының басшысы Рамзан Қадыров арнайы әскери операцияға қатысқан жауынгерлермен бірге Украинада».
Бейнесұхбатта қол астындағы қызметкер Киевтен 7 шақырым жердегі балалар үйін басып алу операциясы туралы хабарлайды. Видео нақты қай жерде және қашан екені белгісіз, қараңғы жертөледе түсірілген.
– Қазір ақпараттың дұрыс-бұрыс еместігі тексеріліп жатыр. Бірақ оны кеше Грозныйда біреулердің көргені туралы ақпарат бар. Бірақ бір күнде Киевке келуге болады. Дегенмен сыртқы түрінің ұқсауы ештеңе шешпейді. Ақпарат рас болса, біз оны құртамыз. Егер ақпаратты анық болмаса, келесі жолы жоямыз, – деді Арестович.
Kadyrov_95 Telegram-арнасы «Егер Қадыров шынымен де Киевтің жанында болса, Украина Қарулы Күштері оны жояды – Арестович» деген тақырыпты қайта жариялап, «Неге «егер» дейді? Видеоны көрмедің бе, әлде есігіңді қағуым керек пе?» делінген хабарламада.
Өз кезегінде Арестович бұл ұсынысқа Facebook желісінде: «Ал, қағып көрсін» деп жазды.
Еске салсақ, Ресей президенті Владимир Путин Донбас республикалары басшыларының үндеуіне жауап ретінде арнайы әскери операция жүргізу туралы шешім қабылдап, Украинаға қарсы соғыс жариялады. Алайда Ресей басшысы Мәскеудің жоспарында Украина аумақтарын басып алу жоқ екенін айтқан болатын.
2 наурыз күні таңертеңгі жағдай бойынша Ресей әскері 5840 адамнан айырылды. Сондай-ақ 60-тан астам ұшақ пен тікұшақ, 862 бронетранспортер, 85 артиллериялық жүйе және басқа да көптеген техника жойылды. 28 ақпандағы жағдай бойынша 352 бейбіт тұрғын, оның ішінде 16 бала қаза тауып, 2040 адам жарақат алды.
Украина президенті Владимир Зеленский Ресей әскерінің шабуылдың алғашқы сағаттарынан бастап азаматтық инфрақұрылымға соққы беріп жатқанын айтты. Президенттің айтуынша, Ресей басқыншы әскерлерінің Украинадағы әрекеттерінде геноцид белгілері бар.
27 ақпанда Украина «басқыншылықты ақтау үшін геноцид ұғымын бұрмалағаны үшін Ресейді жауапқа тартуды» талап етіп, Халықаралық сотқа Ресейге қарсы шағым түсірді. Ресейдің Украинаға басып кіруіне қатысты тергеуді Халықаралық қылмыстық соттың прокуроры Кәрім Ханның өзі бастады.
Жаңалықтар
- Қырғызстан президенті Қазақстан іс-сапармен келді
- Бишімбаев сотқа телефонының құпиясөзін беруден бас тартты
- Адвокаттың сұрағы Бишімбаевты тығырыққа тіреді
- Мамырдағы демалыстарға қатысты қол қойылды
- Президент Қасым-Жомарт Тоқаев Саха Республикасының басшысы Айсен Николаевты қабылдады
- Енді қазақстандықтар Тайиландқа визасыз бара алады
- Тимур Құлыбаев су тасқынының салдарын жоюға 30 млрд бөлді
- «Оларды кім қорғап жүр?»: депутат су қоймаларының иелері туралы айтты
- Мәжіліс БАҚ туралы заң жобасын қабылдады
- Дана Орманбаеваның үстінен іс қозғалды
- Қазақ тілін мазақтаған қыз сотталды
- 50-ден аса басшы жемқорлық бойынша күдікке ілінді
- Антикор қазақстандықтарға үндеу жолдады
- «Атамұра» баспасының президенті су тасқынынан зардап шеккендерге 10 млн теңге қаржы аударды
- Қазақстанның Солтүстік Кореядағы елшісі тағайындалды
- Атырауда 89 жастағы кейуана өз-өзіне қол жұмсады
- Тоқаев Саха басшысы Николаевпен кездесті
- Қазақстандықтар енді су тасқынын тікелей эфирде көре алады
- Халық банкі Қырғызстандағы еншілес ұйымын сатты
- Квентин Тарантино өзінің соңғы «Киносыншы» фильмін түсіруден бас тартты