Украина Ресейді қазақстандық көмірді бұғаттады деп айыптады

Украина жоғарғы Радасының энергетика және тұрғын үй-коммуналдық шаруашылық жөніндегі комитетінің басшысы Андрей Герус Қазақстаннан Украинаға жеткізілетін көмірдің жолын Ресейдің бұғаттап отырғанын айтты.

Бұл туралы депутат өз Telegram арнасында хабарлады.

Андрей Герустың айтуынша, қараша айында барлық тиісті жолдар бұғатталған. Ол бұғаттаудың «Ресей темір жолдары деңгейінде жүріп жатқанын, бұл Ресей Федерациясы арқылы көмір вагондарының транзитін растамайтынын» атап өтті. Герус шектеу тек энергетикалық көмірге ғана қолданылатынын және кокстелген көмірді жеткізуге қатысы жоқ екенін жазған.

Украиналық жылу генерациясының ірі компаниялары энергетикалық көмірді АҚШ-тан, Польшадан, Қазақстан мен Ресейден сатып алады. Оның тапшылығы елде жыл басынан бері пайда болған, сондықтан ЖЭС блоктарының рекордтық саны толық емес қуатта жұмыс істейді.

Forbes ақпараты бойынша, бірінші жартыжылдықта Қазақстан Украинаға 491,7 мың тонна көмір жөнелткен.

Бұған дейін Ресей 1 қарашадан бастап Украинаға көмір жеткізуді тоқтату туралы ескерткен болатын. Экономикалық даму министрлігі Ресейдегі сұраныстың өсуіне және ішкі нарықты қамтамасыз ету қажеттілігіне байланысты жеткізілім тоқтайтынын түсіндірді. Ведомство өкілдері соңғы жылдары Ресей күрделі саяси қатынастарға қарамастан Украинаның өнеркәсіптік және энергетикалық кәсіпорындарының негізгі көмір жеткізушісі болды.

Энергетика министрлігінің ақпараты бойынша, Қазақстан көмірмен 60% қамтамасыз етілген. Бірақ агенттік толқулар мен тапшылық болмайды деп уәде береді. Өңірлерде 107 млн тонна көлемінде қор жинақталған. Ресей Қазақстаннан көмір транзитіне тосқауыл қойған жоқ. Индустрия және инфрақұрылымдық даму министрлігі баспасөз қызметі хабарлағандай, инфрақұрылымның жүктелуіне байланысты «кейбір шектеулер» ғана атап өтілді.