Украина-Ресей соғысында 36-дан астам қазақ сарбазы қаза тапты – БАҚ

Ресейде тұратын этникалық қазақтардың чаттарында Украина мен Ресей арасындағы соғыс кезінде қаза тапқан Ресей Федерациясы қарулы күштері қатарында қызмет еткен қандастардың видеосы тарады.

Бұл туралы IslamNews хабарлайды.

Бұл Ресейдің Қазақстанмен шекаралас аймақтарында туып-өскен этникалық қазақтар РФ қарулы күштерінде қызмет етуді кәсіп ретінде таңдаған Ресей Федерациясының азаматтары.

Түрлі деректер бойынша Ресейде 800 мыңнан 1 миллионға дейін қазақ тұрады.

Бейнежазбада 21 мен 41 жас аралығындағы 36 сарбаз, сержант және офицер туралы деректер бар. Олардың 13-і 150 мың қазақ тұратын Астрахань облысының тумасы. 11 әскери қызметкер Орынбор облысынан, екеуі Омбы, Волгоград, Саратов, Қорған облыстарынан және бір-бірден Түмен және Челябі облыстарынан.