Украина президентінің кеңесшісіне қастандық жасалды

Украинада тағы бір төтенше жағдай болды. 22 қыркүйек күні, Украина президентінің кеңесшісі Сергей Шефирге қастандық жасалды.

Бұл туралы Orda.kz Страна.ua интеренет-басылымына сілтеме жасап хабарлады.

- Шефирге оқ атылды. Жүргізушіге үш оқ тиді. Қазір ол жансақтау бөлімінде ауыр халде жатыр. Сергей Шефирдің өзі тірі, жарақат алған жоқ, – деп хабарлайды дереккөз.

Естеріңізге сала кетейік, қазіргі уақытта Украина президент Зеленский АҚШ-та, онда ол БҰҰ-ның 76-шы Бас Ассамблеясының жұмысына қатысады. Ол кеңесшісіне жасалған қастандық туралы әлі ештеңе хабарлаған жоқ.

Полиция террористерді іздеу үшін арнайы «Сирена» операциясын бастады.