Украина мен Ресей екінші келіссөз өткізуге ниетті

28 ақпан Украина мен Ресей елдегі жағдайды тұрақтандыру үшін Беларусь мемлекетінде келіссөз өткізген. Кездесу 5 сағатқа созылып, ортақ шешімге келе алмаған. Енді екінші кездесу жоспарланып отыр.

Тараптардың қызығушылықтарын Ресей тарапынан президенттің көмекшісі Владимир Мединский, ал Украина тарапынан президент кеңсесі басшысының кеңесшісі Михаил Подоляк айтып шықты.

Мәскеу келесідегідей талап қойды:

• Қырымды ресми мойындау;
• Әскерді кері қайтару;
• Украинаны ұлтшылдық идеологиядан тазарту;
• Украина шетелдік қарудан бас тарту керек.

«Ортақ мүддеміз бар деп болжанып отырған бірнеше мәселені анықтадық. Бастысы келіссөз барысын жалғастыру туралы келісімге келдік. Алдағы уақытта Польша-Беларусь шекарасында кездесу өтеді» деді Владимир Мединский. 

Киев Ресей тарапынан әскерилердің Қырым мен Донбастан шығарылуын талап етті.

Украина президенті тараптар ортақ шешімге келе алмағанын айтты. Өкілдер елдеріне қайтқан соң, айтылған дүниелерді талқылап, екінші кездесуге дайындалады.

«Екі тарап нақты шешімі бар тақырыптарды анықтады. Дұрыс шешім қабылдау үшін екі жақ өз астаналарына қайтады. Сонымен қатар келген делегациялар алдағы уақытта екінші келіссөзде аталған мәселелердің нақты саяси жалғасын табу мүмкіндігін де талқылады» деді Михаил Подоляк.