Украина мен Ресей арасындағы келіссөздердің үшінші кезеңі аяқталды

Украина мен Ресей делегациялары арасындағы келіссөздердің үшінші кезеңі аяқталды. Тараптар атысты тоқтату туралы келісімге келе алмады.

Украина президенті кеңсесі басшысының кеңесшісі Михайло Подоляк Twitter-де келіссөздер барысында гуманитарлық дәліздердің логистикасы бойынша «кейбір оң нәтижелерге» қол жеткізілгенін, бірақ жағдайды айтарлықтай жақсартатын нәтижелер болмағанын айтты.

— Атысты тоқтату, бітім және жалпы соғыс қимылдарын тоқтатуды қамтитын негізгі саяси блок тұрғысынан қарқынды кеңсетер жалғасады. Бүгінгі күні жағдайды айтарлықтай жақсартатын нәтижелер жоқ. Соған қарамастан консультациялар жалғасады, - деді Подоляк.

Бұл ретте Ресей делегациясының басшысы Владимир Мединский келіссөздерден ресейлік тараптың күткені ақталмағанын атап өтті.

Ресей Федерациясының делегациясы келіссөздерге құжаттардың жобаларын әкелді, бірақ оларға қол қойылмады. Мединскийдің айтуынша, қандай да бір оң өзгерістер туралы айту әлі ерте, диалог жалғасады.