Украина елшісі: Біз НАТО-ға арқа сүйей алмаймыз

Біріккен Корольдіктегі Укриана Республикасының елшісі Вадим Пристайко Украинаның НАТО-ға кіру туралы ниетінен бас тарту мүмкіндігі туралы өз сөзіне түсініктеме берді.

Украина СІМ бұл Украина бейбітшілік пен өз азаматтарының қауіпсіздігін сақтау үшін басқа елдермен және халықаралық ұйымдармен кез келген форматтағы диалогқа баруға дайын екенін мәлімдеді.

– Біз қазір әртүрлі сұхбаттар арқылы НАТО-ға қатысты көзқарасымызды жеткізудеміз. Біз дәл қазір НАТО-ға арқа сүйей алмаймыз, себебі оның мүшесі емеспіз. Соғыстың алдын алу үшін, біз НАТО-ға емес, Минск келісіміне сүйенеміз. НАТО-ға қатысты көзқарасымыз, саяси бағытымыз өзгермейді, бірақ дәл қазір соғыстың алдын алу үшін басқа жолдарды қарастыруымыз керек, - деді ол.