Украина депутаты эфирде аузын «жауып» отырды

Украина Жоғарғы Радасының депутаты, «Оппозиция платформасы – өмір үшін» партиясының мүшесі Вадим Рабинович ток-шоу кезінде аузына жапсырма  жапсырып отырды.

Ол бұл әрекетімен  елде жабылған телеарналардың журналистеріне тілеулес екенін білдіргісі келген деп хабарлайды, Orda.kz порталы Радио Sputnik-ке сілтеме жасап.

Депутат шоуға шақырғаны үшін арна өкілдеріне алғыс айтты. Рабиновичтің айтуынша, Украинада биліктің әрекетін сынға алған төрт телеарнаның жұмысына тыйым салынған. Қазір бір жарым мың адам жұмыссыз қалды.

— Наразылық белгісі ретінде бағдарлама бойы ауызымды жапсырмамен жауып отырамын. Қазір елдің 9/10 осылай отыр, – дейді Вадим Рабинович.

Биыл 2 ақпанда Украина президенті Владимир Зеленский Twitter-де «112 Украина», NewsOne және ZIK телеарналарына және олардың иесі, «Оппозиция платформасы – Өмір үшін» партиясының мүшесі Тарас Козакқа санкция салу туралы шешім қабылданғанын жариялаған болатын.