Украина Қарулы Күштері Бас штабының қысқаша мәліметі

Украина Қарулы Күштерінің Бас штабы 16 наурыз, сәрсенбіге қараған түні жарияланған негізгі есебінде Ресей 20 күндік соғыста басқыншылық күштерінің жартысына жуығын жоғалтқанын мәлімдеді.

«2022 жылғы 15 наурыздағы жағдай бойынша жау «Украина аумағында» деп аталатын операцияға қатысқан бөлімшелерінің 40 пайызына дейін жоғалтты (толық жойылды немесе жауынгерлік қабілетінен айрылды» деп жазады Украина Бас штабы.

Сондай-ақ, украиналық әскерилер Ресейдің барлық бағыттағы шабуылы бәсеңдеп, Мариупольдегі жағдай украиналық тарап үшін ең қиыны болып тұрғандығын  мәлімдеді.

Бас штабтың ақпаратына сәйкес, Ресей әскери басшылығы Ресей Федерациясы аумағындағы жоғары әскери оқу орындарының курсанттарын  Украинаға қарсы әскери операцияларға қатыстыра отырып, мерзімінен бұрын босату туралы шешім қабылдаған.

«Нақты сандар, әсіресе үкімет бақылайтын аумақтарда әлдеқайда көп, өйткені мұндай оқиғалар орын алған жерлерден алынған көптеген хабарламалар әлі де қосымша растауды қажет етеді, ал кейбір жерлерде шайқас жалғасып жатқандықтан ақпарат кешіктіріледі» делінген хабарламада.

Украина арналары соңғы минуттарда бүкіл елде дерлік Полтавадан Львовқа және Киевтен Одессаға дейін әуе ескертуі жарияланғанын жеткізді.

Украинаның батысындағы Львов қаласында осы уақытқа дейін соғыстың ауыртпалығынан құтылған  қалалардың өзінде әуе дабылдары қағылып жатыр, бұл бейбіт тұрғындардың әуе шабуылдары кезінде жер асты бункерлерін паналауы керек екенін ескертеді.

Мухаммед Әміржан