Украинаға қатысты сынға қалған Сабуровты қазақстандықтар қолдады

Лос-Анджелестегі концертте қазақстандық әзілкеш Нұрлан Сабуров Украинадағы соғысқа біржақты көзқарасын білдіруден бас тартты.

Американың Лос-Анджелес қаласында ресейлік әзілкеш Нұрлан Сабуров концерттік бағдарламамен өнер көрсетті. Онда көрермендердің бірі әртістен Ресейдің Украинадағы арнайы операциясына қарсы пікір білдіруін өтінді.

Сабуров олай істемейтінін айтты. Бірақ оған жауап ретінде көрермен әзілкешті Ресей билігінің Украина мемлекетінің аумағындағы әрекетіне қарсы шығудан қорқады деп айыптады. Нұрлан Сабуров бұл пікірмен келісуге мәжбүр болды.

Қазақстандық сахнадан қайтыс болған балалардың туыстарына көңіл айтып, өзінің балалары бар екенін және Украина қалаларында түсірілген кадрларға сабырмен қарай алмайтынын жеткізді. Алайда Сабуров бұл туралы сөз сөйлей алмайтынын айтты.

– Иә, солай, менің отбасым бар. Менің де өз қорқынышым бар екенін түсінсеңіз керек, – деді Нұрлан Сабуров ашулы көрерменге.

Америка Құрама Штаттарында украиндықтардың қатаң сынына ұшыраған әзілкеш Нұрлан Сабуровты қазақтар қолдады. Сабуров Украинадағы соғыс туралы үнсіз қалды деп айыпталған.

Кәсіпкер Әлішер Елікпаевтың пікірінше, бұл әдейі жасалып отқан арандатушылық.

«Мен бұны таза арандатушылық деп санаймын. Сабуров Мәскеуге қайтып келеді. Онда оның отбасы және қазақстандық төлқұжаты бар. Ал жігіт ЛА-да (Лос-Анджелес) тұрады және Украинаға соғысуға баратын ойы жоқ.

Сабуровқа АҚШ-та ол өнер көрсетуді жоспарлаған барлық қалаларда арандатушылықтар дайындалуда. Оның екі жағалауд да ұзақ гастрольдік сапары бар және ол бұған ұзақ уақыт бойы дайындалды. Менің ойымша, Нұрланға концерттің басында бас тарту керек және арандатушыларды залдан шығаруда жерлестеріне сенуі керек» делінген хабарламада.