«Uklon такси қызметі украиндық жүргізушілерге қатысты шағым түсіруге рұқсат берді

Украиндық «Uklon» такси қызметі пайдаланушыларға көлік жүргізушісінің «антиукраиндық ұстанымына» шағымдануға мүмкіндік беретін жаңа талаптар енгізді. Бұл туралы украиндық «Strana.ua» басылымы 11 қараша, сенбі күні өзінің Telegram-каналында хабарлады.

«Егер сіз бір немесе екі жұлдызды таңдасаңыз, онда жүргізушіге қатысты шағымдардың арасында «Украинаға қарсы ұстанымда» екенін көрсетуге болады»  делінген хабарламада.

Бұған дейін 26 қазанда Киевте жүргізуші украин тілінде сөйлеуден бас тартқандықтан екі әйел таксиде жанжал шығарған. Жолаушылардың бірі жүргізушіден орысшадан украин тіліне ауысуды талап еткен. Ер адам жолаушыларды көліктен түсіріп, тапсырысты жоюға шешім қабылдады.

Кейінірек, 7 қарашада Киевтегі орыстілді такси жүргізушісі жолаушылар одан украин тілінде міндетті түрде қызмет көрсетуді талап еткенін түсіндірді. Сондай-ақ ол бейтарап шешілген осындай екі ұқсас жағдайдың болғанын  айтты.

2019 жылдың сәуір айының соңында Жоғарғы Рада «Украин тілінің мемлекеттік тіл ретінде жұмыс істеуін қамтамасыз ету туралы» заң қабылдады. Құжат мемлекеттік және жергілікті басқару органдарының, оқу орындарының, ауруханалардың, сондай-ақ қызмет көрсету саласында тек украин тілінің қолданылуын көздейді.