ҰҚК төрағасының орынбасары журналистерден қашып кетті

Мәжілісте ұлттық қауіпсіздік комитеті төрағасының орынбасары «Жиналысқа кешігіп барамын» деген желеумен журналистердің сұрақтарына жауап беруден бас тартып, қаша жөнелді, деп хабарлайды Orda.kz.

Мәжіліс дәлізінде БАҚ өкілдері комитет төрағасының орынбасары Қанатай Далматовтан пікір алмақ болды. Алайда ол асығыс кетіп қалды.

Журналистер Арман Жұмагелдиев неге қатаң жаза алғанын сұрады. Алайда, Далматов жиналысқа сілтеме жасап, баспасөз қызметіне жүгінуге кеңес берді.  

 «Қандай баспасөз қызметі, егер өзіңіз осында тұрсаңыз?», – деген журналистің орынды сұрағына жауап қатпай, тез бұрылып, кетіп қалды. 

Жалпы күштік құрылымдар БАҚ-пен байланыс орнатуға асықпайды. Кейде ҰҚК өкілдері мүлде брифингтерге де қатыспайды. Ал мәжіліс дәлізі – аз да болса ақпарат алуға мүмкіндік беретін орын.