ҰҚК терроризмді насихаттады деген күдікпен Шымкент тұрғынын ұстады

Ұлттық қауіпсіздік комитеті қызметкерлері прокуратураның үйлестіруімен және полицияның көмегімен әлеуметтік желілер арқылы терроризмді насихаттады деген күдікпен Шымкент қаласының тұрғынын ұстады.

Тергеу мәліметінше, бұрын ұсталған азамат радикалды идеологиямен айналысқан шет мемлекеттердің бірінде ұзақ уақыт тұрған.

«Қазақстан Республикасы Қылмыстық кодексінің 256-бабының 2-бөлігі («Терроризмді насихаттау немесе терроризм актісін жасауға жария шақыру») бойынша сотқа дейінгі тергеу амалдары жүргізілуде» делінген ҰҚК сайтында жарияланған хабарламада.