«ҰҚК майорының» қоңырауынан кейін әйел алаяқтарға 30 миллион аударған

Павлодар тұрғыны «ҰҚК майорының» қоңырауынан кейін алаяқтардың шотына аударған 30 миллион теңгесін жоқтап жүр. 

«Террористермен байланысы бар деген күдікті» өз депозитіндегі  ақшаны алаяқтарға беріп, тағы бір бөлігін несиеге алған.

Әйелге өз басшысынан террористтердің аккаунттарына ақша аударуға қатысты Ұлттық қауіпсіздік комитетіне шақыртылғаны туралы WhatsApp хабарламасы келген.

«Кейінірек оған «ұлттық қауіпсіздік майоры» телефон соғып, оның атына есепшот ашылғанын және бұрын сотталған және іздеуде жүрген азаматтың атына 1,5 миллион теңге аударылғанын хабарлады», - деді Павлодар облыстық полиция басқармасы басшысының орынбасары Болат Нұрсейітов. 

Полицейдің айтуынша, жәбірленуші шоттарын қорғау үшін «Ұлттық банк қызметкерінің» айтқанын істеген.  

«Ұлттық банк қызметкерінің»  нұсқауы бойынша банкке барып, депозиттік шотынан 5 миллион теңгеден астам ақшаны аударып, осыған ұқсас бірнеше аударым жасаған. Артынша алданып қалғанын түсініп,  полицияға хабарласқан», - деп түсіндірді Нұрсейітов. 

Ол тергеу барысында атына ақша аударылған тұлғалардың оған қатысты емес екенін көрсеткен.

Павлодар облысының полиция департаменті азаматтарды қырағы болуға шақырып, күдікті телефон қоңыраулары мен хабарламаларды, әсіресе әлеуметтік желілер арқылы түскен хабарламалар туралы дереу полицияға хабарлауды ұсынды.