«ҰҚК майоры» алаяқтықпен 30 млн теңге иемденіп алды

Павлодар облысында Ұлттық қауіпсіздік комитеті атынан алаяқтық фактілері анықталды. Зардап шеккен әйел адам несие алып, алаяқтарға 30 миллион теңге аударды.

Бұл туралы ІІМ хабарлайды.

Әйелге WhatsApp желісінде оның менеджерінен лаңкестік аккаунттарға аударымдар туралы Ұлттық қауіпсіздік комитетіне қоңырау шалған хабарлама алған. Сосын оған «ҰҚК майоры» телефон соғып, іздеуде жүрген қылмыскердің атына 1,5 миллион теңге аударылған есепшот ашылғанын хабарлаған. Әйел шоттарын қорғау үшін «Ұлттық банк қызметкерінің» көмегіне келісіп, оның нұсқауын орындап, депозиттік шотынан 15 миллион теңгені алып, көрсетілген деректемелерге 5 миллионнан астам ақша аударған. Алданып қалғанын түсінген ол полицияға хабарласқан.

Тергеу көрсеткендей, атына ақша аударылған тұлғалар да алаяқтардың құрбаны болған. Қазір полицейлер қылмыскерлерді іздестіруде және азаматтарды күдікті қоңыраулар мен хабарламалар түскен кезде полицияға хабарласып, абай болуға шақырады.