ҰҚК қызметкерлеріне қатысты қаңтар оқиғасы кезіндегі азаптау ісі бойынша үкім апелляцияға беріледі

Олар қаңтар оқиғасы кезінде азаптады деп айыпталған ҰҚК 11 қызметкеріне шығарылған үкімге шағымданбақ, деп хабарлайды Orda.kz.

Редакцияға белгілі болғандай, жәбірленушілердің өкілдері мен айыпталушылардың қорғаушылары сот шешіміне наразы.

Жәбірленушілер  айыпталушылардың бірі ақталып, үшеуі шартты түрде сотталып, қалғандары үш жылдан бес жылға дейін бас бостандығынан айырылғандығына разы емес. Сонымен қатар, жәбірленушілердің азаматтық талаптары жартылай ғана қанағаттандырылған. 

Осыған дейін Orda.kz Алматының Түрксіб аудандық соты қаңтар оқиғасы кезіндегі азаптауларға қатысты деп айыпталған ҰҚК-нің 11 қызметкеріне үкім шығарғанын жазған болатын.

Екі қызметкерге ҚР Қылмыстық кодексінің 362-бабы «Билік немесе қызметтік өкілеттіктерді асыра пайдалану», қалғандарына ҚР Қылмыстық кодексінің 146-бабы «Қатал, адамшылыққа жатпайтын немесе ар-намысты қорлайтын әрекеттер, азаптау» бойынша айып тағылды.

Сот үкімімен төрт айыпталушы бес жылға бас бостандығынан айыру жазасын орташа режимдегі колонияда өтеуге, үшеуіне орташа режимдегі колонияда 3 жылға бас бостандығынан айыру жазасы тағайындалды. ҰҚК-нің тағы үш бұрынғы қызметкері үш және бес жылға шартты түрде бас бостандығынан айырылып, бір айыпталушы ақталған болатын.

Олардың барлығына мемлекеттік қызметте жұмыс істеуге тыйым салынды, сонымен қатар атақтары мен медальдарынан айырылды.