ҰҚК қызметкерлері Алматы мен Ақтөбе облысынан қару қоймаларын тапты

Ұлттық қауіпсіздік комитетінің қызметкерлері Алматы мен Ақтөбе облысында бірнеше қару-жарақ қоймасын анықтады, деп хабарлайды Orda.kz.

ҰҚК мәліметінше, 28 маусымда Ақтөбе облысында жергілікті тұрғындардың бірінің үйін тінту кезінде 21 атыс қаруы, оның ішінде екі Калашников автоматы, сегіз тапанша, 11 шолақ мылтық, сондай-ақ шу шығаратын гранат, түтін бомбалары және 581 рация тәркіленді.

Дәл осы күні Алматыда екі қару-жарақ қоймасы табылды. Бір гранатомет, бір Калашников автоматы, бір мылтық, төрт шолақ мылтық, екі тапанша, бір түтін граната және әртүрлі калибрлі 248 оқ тәркіленді.

«Іс-шаралар прокуратураның келісуімен және ішкі істер органдарымен бірлесіп жүзеге асырылды. Аталған фактілер бойынша Қылмыстық кодекстің 287-бабы бойынша сотқа дейінгі тергеу амалдары басталды» делінген ҰҚК хабарламасында.