ҰҚК қазақстандықтарды алаяқтық әрекеттер туралы ескертті

Алаяқтар, атап айтқанда, телефон соғады немесе олардың мүддесі үшін қаржылық және басқа да операцияларды жүргізу туралы өтініш немесе талаппен мәтіндік хабарламалар жібереді, деп хабарлайды ҚР ҰҚК.

Бұл ретте азаматтарға олардың деректеріне қылмыстық мақсатта пайдаланылған ақшалай кредиттердің рәсімделгені туралы хабарланады, сондай-ақ қылмыстық жауаптылыққа тарту қаупі төнеді.

"ҰҚК белгісі бар арнайы дайындалған құжаттардың файлдары (қызметтік куәлік, хаттар мен бұйрықтардың фирмалық бланкілері) жиі жіберіледі. Естеріңізге сала кетейік, ҰҚК қызметкерлері қызметтік міндеттерін орындау кезінде азаматтарға қандай да бір қаржылық операциялар жүргізуге өкілеттігі жоқ. Егер сіз немесе сіздің таныстарыңыз осындай жағдайға тап болса, сөйлесуді/хат алмасуды дереу тоқтатып, 102 телефоны бойынша полицияға хабарласыңыз" деп ескертті ведомство.